"AG Arbitration Court" халықаралық төрелік соты

AG Arbitration Court өз қызметін төрелік саласындағы халықаралық конвенцияларға, Қазақстан Республикасының Конституциясына, Қазақстан Республикасының Азаматтық кодексіне, «Төрелік туралы» Қазақстан Республикасының Заңына, басқа да құқықтық актілерге, халықаралық шарттарға, AG Arbitration Court «төрелік алымдар мен шығыстар туралы» Ережесіне, AG Arbitration Court регламентіне сәйкес жүзеге асырады.

Төрелік сотқа жүгіну жеке, азаматтық құқықтың аса маңызды қағидатының — кімнің болса да, соның ішінде мемлекеттің жеке істерге араласпауының көрінісі болып табылады (Қазақстан Республикасы Азаматтық кодексінің 2-бабы). Бұл ретте мемлекеттік сот атқару парағын, төрелік соттың шешімін беру туралы ұйғарым шығарған кезде мұндай шешімнің дұрыстығы мен заңдылығын мәні бойынша тексеруге құқылы емес, мемлекеттік сот төрелік сот үшін кассациялық та, апелляциялық та, қадағалау сатысы да болып табылмайды. Мемлекеттік сот төрелік шешімді мәжбүрлеп орындатуға арналған атқару парағын беру туралы мәселені ғана шешеді.

Төреліктің негізгі артықшылықтары талқылаудың құпиялығын қамтамасыз ету, процестің жылдамдығы мен үнемділігі, бейтараптылық пен объективтілік болып табылады.

Осылайша, AG Arbitration Court толық Қаржы-шаруашылық дербестігі және оған Қазақстан Республикасының заңнамасымен және Төрелік қызметті ұйымдастыру жөніндегі Регламентпен жүктелген функцияларды тиімді іске асыруға мүмкіндік беретін аппараты бар заңды тұлғаның барлық құқықтарына ие.